第44頁 (第3/3頁)

張愛玲提示您：看後求收藏（貓撲小說www.mpzw.tw），接着再看更方便。

諸三姐說着，轉向鶴汀，叫聲“大少爺”，慢慢說道：“四老爺末喫仔個兩筒煙，來裏鄉下勿比仔上海，隨便陸裏小煙問纔是齷齷齪齪個場花，想來四老爺去喫煙末，倒勿知勿黨團下去，就過仔個毒氣。四老爺坎到辰光，怕得來，面孔浪纔是個哉！倪說：‘四老爺陸裏去過得來個嗄？’故末四老爺忒啥個寫意哉，連搭仔自家才匆曾曉得是啥場花。我同十全兩家頭成日成夜伏侍四老爺元撥困。幸虧個先生喫仔幾帖藥，好仔點；勿然，四老爺再要生下去，我同十全一徑來裏伏侍，倘忙兩家頭才過仔，一淘生起來，難末真真要死哉！大少爺阿對？”

鶴汀暗忖這段言詞，虧他說得出口，眼看着諸十全打量一番。諸三姐複道：“大少爺阿曉得？外頭人再有點勿明勿白冤枉倪個閒話，聽着仔氣煞人哚！說四老爺該個瘡，就是倪搭過撥俚毒氣。倪搭末不過十全搭仔我，清清爽爽兩家頭，啥人生個瘡嗄？要說十全生來浪，四老爺兩隻眼睛阿是瞎哉嗄？”說到這裏，一手把諸十全拖到鶴汀面前，指着臉上道：“大少爺看囗。四老爺面孔浪，倪十全阿有點相像？”又捋出諸十全兩隻臂膊，翻來覆去給鶴汀看了，道：“一點點影蹤才無撥（口宛）。”諸十全羞得掙脫身子，避開一邊。

鶴汀總不則聲，但暗忖這諸三姐竟是個老狐狸，若實夫爲其所愚，恐將來受害不淺。當下實夫嗔着諸三姐道：“外頭人閒話聽俚做啥！我總勿曾說耐末，纔是哉（口宛）！”諸三姐笑道：“四老爺生來勿曾說啥。四老爺再要說倪，故末倪要……”諸三姐說得半句即縮住嘴，笑而下樓。

實夫方向鶴汀笑道：“耐末也（要勿）起啥個花頭哉。耐自家洋錢自家去輸，勿關我事。故歇我手裏拿得去棧單，倘忙輸脫仔下來，教我轉去阿好交代？”鶴汀默然不悅。實夫道：“棧單來裏小皮箱裏，要末耐自家去拿，我勿好投耐。”鶴汀略一沉吟，起身就走。實夫問：“阿要鑰匙？”鶴汀賭氣不要了。

樓下諸三姐挽留道：“大少爺再坐歇囗。”鶴汀也不睬，一直出了大興裏，仍回長安客棧；心想：實夫既然怕不好交代，又教我自家去拿，難道說我偷的不成？似這等鄙瑣慳杏，怪不得諸三姐撮弄他、擺佈他。我如今也不去管他，但是殳三一款，如何設法？想來想去，只好尋出兩套房契，坐轎往中和裏朱公館謁見湯嘯庵，託他抵借一萬洋錢。湯嘯庵應承，約定晚間楊媛媛家回話。李鶴汀先去坐等。

湯嘯庵送客之後，尋思朱藹人處所存有限，須和羅子富商量，即時便去兆富里黃翠鳳家相訪。羅子富正在樓上房裏，請進廝見。適值黃二姐在座，也叫聲“湯老爺”。湯嘯庵點點頭，道：“長遠勿見哉，生意阿好？”黃二姐道：“生意勿局，比仔先起頭懸迸哚。”黃翠鳳冷笑叉口道：“耐是有生意勿做（口宛），啥勿局嗄！”