張愛玲提示您：看後求收藏（貓撲小說www.mpzw.tw），接着再看更方便。
第五十八回終。
第五十九回 攫文書借用連環計 掙名氣央題和韻詩
按：一日午後，黃二姐到了黃翠鳳家，將欲噪鬧。黃翠鳳令外場喊兩把皮篷車，竟和羅子富作明園之遊，丟下黃二姐坐在房間裏，任其所爲。
及至明園泡下茶，翠鳳還是冷笑道：“贖身文書來浪我手裏，看俚再有啥法子！”子富道：“耐該應教個大姐陪陪俚。”翠鳳頭頸一扭道：“等俚歇末哉，啥人去陪俚嗄。”子富道：“勿局個囗。”翠鳳道：“啥勿局，阿伯俚偷仔倪個家生？”子富道：“俚家生末勿要，贖身文書曉得來哚皮箱裏，俚阿要偷嗄？”一句提醒了翠鳳，登時白瞪瞪兩隻眼，失聲道：“阿喲，勿好哉！”趙家女每在傍也是一怔，道：“劃一勿好囗，倪快點轉去罷。”
子富欲令翠鳳先行，翠鳳道：“耐末生來一淘轉去，倘忙撥俚偷仔去末，也好替我商量商量。”當下三人各坐原車趕回家中。
一進家門，翠鳳先問：“無女每阿來裏樓浪？”外場回說：“剛剛轉去，勿多一歇。”翠鳳三腳兩步，奔到樓上房間裏。看看陳設器皿，並未缺少一件；再往牀背後打一看時，這一驚非同小可。翠鳳跺腳嚷道：“難末勿好哉呀！”
子富隨後奔到，只見皮箱鉸鏈丟落地上。揭開蓋來，箱內清清爽爽只有一隻拜盒。翠鳳急的只是跺腳，又哭又罵，欲向黃二姐拚命。子富與趙家女每且勸翠鳳坐下，慢慢商量。翠鳳道：“商量啥嗄，俚是要我個命呀！我就死仔，難末俚有仔好處哉！”子富道：“耐末先拿我個拜區放好仔再說。”翠鳳復從皮箱中取那隻拜匣，別處收藏，忽然失驚打怪的喊道：“咿，倪只拜匣來裏（口宛）！”既而恍然大悟道：“噢，俚拿差哉，拿仔羅老爺個拜匣去哉！”說着，呵呵大笑。子富聽說，慌問：“我只拜匣阿來裏嗄？”翠鳳捧出那隻拜匣給子富看，嘻嘻笑道：“俚拿差哉，拿仔耐個拜匣。倪拜匣末倒來裏。”子富面色如土，拍腿說道：“難末真真勿好哉！”翠鳳道：“耐只拜匣勿要緊個，俚拿得去也無啥用場。阿敢去變洋錢，俚也無撥場花好變（口宛）。”
