張愛玲提示您：看後求收藏（貓撲小說www.mpzw.tw），接着再看更方便。
按：張壽接了請客票頭，徑往公陽裏周雙珠家。踅進大門，只見阿德保正蹺起腳坐在客堂裏，嘴裏銜一支旱菸筒。張壽只得上前，將票頭放在桌上，說：“請洪老爺。”阿德保也不去看票頭，只說道：“勿來裏。放來裏末哉。”張壽只得退出。
阿德保又冷笑兩聲，響說道：“故歇也新行出來，堂子裏相幫用勿着個哉！”
張壽只做不聽見，低頭急走。剛至公陽里弄口，劈面遇着洪善卿。張壽忙站過一旁，稟明姚老爺請。洪善卿點頭答應，張壽乃自去了。
洪善卿仍先到周雙珠家，在客堂裏要票頭來看過，然後上樓。只見老鴇周蘭正在房裏與周雙珠對坐說話。善卿進去，周蘭叫聲“洪老爺”，即起身向雙珠道：“還是耐去說俚兩聲，俚還聽點。”說着自往樓下去了。
善卿問雙珠：“耐無女每來裏說啥？”雙珠道：“說雙玉有點勿適意。”善卿道：“價末教耐去說俚兩聲，說啥嗄？”雙珠道：“就爲仔雙寶多說多話。雙寶也是匆好，要爭氣爭匆來，再要裝體面；碰着個雙玉囗，一點點推扳勿起，兩家頭並仔堆末，弄勿好哉。”善卿道：“雙寶裝啥體面？”雙珠道：“雙寶來哚說：‘雙玉無撥銀水煙筒末，我房裏拿得去撥來俚；就是俚出局衣裳，我也着過歇個哉。’剛剛撥來雙玉聽見仔，衣袋也（要勿）着哉，銀水煙筒也勿要哉，今朝一日天團來哚牀浪勿起來，說是匆適意。難末無女每拿雙寶來反仔一泡，再要我去勸勸雙玉，教俚起來。”善卿道：“耐去勸俚末說啥囗？”雙珠道：“我也匆高興去勸俚。我看仔雙玉倒討氣。耐不過多仔幾個局，一歇海外得來，拿雙寶來要打要罵，倒好像是俚該來哚個討人！”善卿道：“雙玉也是利害點。耐幸虧勿是討人，勿然俚也要看勿起耐哉。”雙珠道：“俚搭我倒十二分要好。我說俚啥，俚總答應我，倒比仔無女每說個靈。”
正說着，只聽得樓下阿德保喊道：“雙玉先生出局。”樓上巧囡在對過房裏接應道：“來個。”善卿便向雙珠道：“用勿着耐去勸俚哉，俚要出局去，也只好起來。”雙珠道：“我說俚勿起來末等俚歇，抵拚俚勿做生意末哉。故歇做清倌人，順仔俚性子。隔兩日纔是俚世界哉（口宛）！”
道言未了，忽聽得樓下週蘭連說帶罵，直罵到周雙空房間裏，便“劈劈拍拍”一陣聲響，接着周雙寶哀哀的哭起來，知道是周蘭把雙寶打了一頓。雙珠道：“倪無女每也勿公道，要打末雙玉也該應打一頓。雙玉稍微生意好仔點，就稀奇煞仔，生意勿好末能概苦嗄！”善卿正要說時，適見巧囡從對過房裏走來。雙珠即問道：“反過仔一泡哉（口宛），爲啥再打起來嗄？”巧囡低聲道：“雙玉出局勿肯去呀。
