張愛玲提示您：看後求收藏（貓撲小說www.mpzw.tw），接着再看更方便。
林素芬等計議已定，方上前敬瓜子。陶雲甫收了草帳，也就起身，說：“我還有點事體，再見罷。”朱藹人並不挽留，與林素芬送至樓梯邊而別。
素芬回房，問藹人：“啥事體？”藹人細細說明緣故。素芬遂說道：“耐請客末勿到該搭來，也去拍屠明珠個馬尼，阿要討氣！”葛人道：“勿是我請客，倪六個人公局。”素芬道：“前日仔倒勿是耐請客？’噶人沒得說，笑了。素芬複道：“倪該搭是小場花，請大人到該搭來，生來勿配。耐也一徑冤屈煞哉。難末揀着個大場花，要適意點哚。”藹人笑道：“難末真真倒詫異哉。我阿曾去做屠明珠，耐啥就喫醋嗄？”素芬道：“耐要做屠明珠去做末哉（口宛），我也匆曾拉牢仔耐。”藹人笑道：“我就匆說哉，隨便耐去說啥罷。”素芬鼻子裏哼了一聲，咕嚕道：“耐末去拍屠明珠個馬屁，屠明珠阿來搭耐要好嗄？”藹人笑道：“啥人要俚來要好？”素芬仍咕嚕道：“耐就擺仔十個雙臺，屠明珠也無哈希奇；搭耐要好末倒勿見好，情願去做鏟頭客人。上海灘浪也單有耐一個。”藹人笑道：“耐（要勿）動氣，明朝夜頭我也來擺個雙臺末哉。”
素芬待著臉，也不答言。藹人過去攙了素芬的手，至榻牀前，央及道：“搭我裝筒煙囗。”素芬道：“倪是毛手毛腳，勿比得屠明珠會裝囗！”口中雖如此說，卻已橫躺着拿籤子燒起煙來。藹人挨在膝前坐了，又伏下身子向素芬耳朵邊低聲說道：“耐一徑搭我蠻要好，故歇爲仔個屠明珠，啥氣得來？耐看我阿要去做屠明珠？”素芬道：“耐是倒也說勿定。”藹人道：“我再去做別人，故末說勿定；要說是屠明珠，就算俚搭我要好末，我也匆高興去做俚。”素芬道：“耐去做勿做關倪啥事體！耐也（要勿）來搭我說。”藹人乃一笑而罷。
素芬裝好一口煙，放下煙槍，起身走開。藹人自去吸了，知道素芬還有些芥蒂，遂又自去開了抽屜，尋着筆硯票頭隨意點幾色菜水。素芬看見，裝做不理；等藹人寫畢，方道：“耐點菜末，阿要先點兩樣來喫夜飯？”藹人忙應說：“好。”另開兩個小碗，素芬叫孃姨拿下樓去令外場叫菜。
正是上燈時候，菜已送來，自己又添上四隻葷碟，於是藹人與素芬對酌閒談。
一時復說起屠明珠來，素芬道：“做倌人也只做得個時髦。來哚時髦個辰光，自有多花客人去烘起來。客人末真真叫討氣，一樣一千洋錢，用撥來生意清點個倌人，阿要好？用撥仔時髦倌人，俚哚覺也勿覺着。價末客人哚定歸要去做時髦倌人，情願豁脫仔洋錢去拍俚馬屁。”藹人道：“耐（要勿）說客人討氣，倌人也討氣。生意清仔末，隨便啥客人巴結得非凡哚；稍微生意好仔點，難末姘戲子、做思客才上個哉，到後來弄得一場無結果。”素芬道：“姘戲子多花到底少個，故也（要勿）去說俚哉。我看幾個時髦倌人，也無啥好結果。耐來裏時髦辰光，揀個靠得住點客人，嫁仔末好哉（口宛），俚哚才匆想嫁人；等到年紀大仔點，生意一清仔末，也好哉。”藹人道：“倌人嫁人也難。要嫁人，陸裏一個勿想嫁個好客人？碰着仔好客人，俚屋裏大小老婆倒有好幾個來浪，就嫁得去，總也匆稱心個哉。要是無撥啥大小老婆末，客人靠勿住，拿耐衣裳、頭面才當光仔，再出來做倌人。夷場浪常有該號事體。”素芬道：“我說要搭客人脾氣對末好。脾氣對仔，就窮點，只要有口飯喫喫好哉。要是差仿勿多客人，故末寧可揀個有銅錢點總好點。”藹人笑道：“耐要揀個有銅錢點，像倪是挨勿着個哉。”素芬也笑道：“噢唷！客氣得來！耐算無銅錢，耐來裏騙啥人嗄？”藹人笑道：“我就有仔銅錢，脾氣勿對，耐也看勿中（口宛）。”素芬道：“耐說說末就說勿連牽哉。”隨取酒壺給藹人篩酒。藹人道：“酒有哉，倪喫飯罷。”素芬遂喊孃姨拿飯來，並令叫妹子翠芬來同喫。孃姨回說：“翠芬喫過哉。”
