張愛玲提示您：看後求收藏（貓撲小說www.mpzw.tw），接着再看更方便。
按：陶玉甫聽得李漱芳咳嗽，慌忙至大牀前揭起帳子，要看漱芳面色。漱芳回過頭來（目夷）了玉甫半日，嘆一口氣。玉甫連問：“阿有啥勿適意？”漱芳也不答，卻說道：“耐個人也好個哉！我說仔幾轉，教耐昨日轉來仔末就來，耐定歸勿依我。隨便啥閒話，搭耐說仔，耐只當耳邊風！”玉甫急分辨道：“勿是呀！昨日轉來末晚哉，屋裏有親眷來浪，難末阿哥說：‘阿有啥要緊事體，要連夜趕出城去？’我阿好說啥囗？”漱芳鼻子裏“哼”的一聲，說道：“耐（要勿）來搭我瞎說！我也曉得點耐脾氣。要說耐外頭再有啥人來浪，故也冤枉仔耐哉。耐總不過一去仔末就想勿着，等耐去死也罷活也罷，總勿關耐事，阿對？”玉甫陪笑道：“就算我想勿着，不過昨日一夜天，今朝阿是想着仔來哉？”漱芳道：“耐是勿差，一（目忽）困下去，困到仔天亮末，一夜天就過哉。耐阿曉得困勿着了，坐來浪，一夜天比仔一年還要長點囗！”玉甫道：“總是我匆好，害仔耐。耐（要勿）動氣。”
漱芳又嗽了幾聲，慢慢的說道：“昨日夜頭，天末也討氣得來，落勿停個雨。
浣芳囗，出局去哉；阿招末，搭無裝煙；單剩仔大阿金，坐來浪打磕銑。我教俚收抬好仔去因罷。大阿金去仔，我一干仔就榻牀浪坐歇，落得個雨來加二大哉；一陣一陣風吹來保玻璃窗浪，‘乒乒乓乓’，像有人來吸碰，連窗簾才捲起來，直捲到面孔浪。故一嚇末，嚇得我來要死！難末只好去因。到仔牀浪囗，陸裏困得着嗄！間壁人家剛剛來哚擺酒、豁拳、唱曲子，鬧得來頭腦子也痛哉！等俚哚散仔檯面末，臺子浪一隻自鳴鐘，跌篤跌篤；我（要勿）去聽俚，俚定歸鑽來里耳朵管裏。再起來聽聽雨末，落得價高興；望望天末，永遠勿肯亮個哉。一徑到兩點半鐘，眼睛算閉一閉。坎坎閉仔眼睛，例說道耐來哉呀，一肩轎子抬到仔客堂裏。看見耐轎子裏出來，倒理也匆理我，一徑望外頭跑，我連忙喊末，自家倒喊醒哉。醒轉來聽聽，客堂裏真個有轎子釘鞋腳地板浪聲音，有好幾個人來浪。我連忙爬起來，衣裳也匆着，開出門去，問俚哚：‘二少爺啥？’相幫哚說：‘陸裏有啥二少爺凰’我說：‘價末轎子陸裏來個嗄？’俚哄說：‘是浣芳出局轉來個轎子。’倒撥俚哚好笑，說我因昏哉。我再要困歇，也無撥我困哉，一徑到天亮，咳嗽勿曾停歇。”玉甫攢眉道：“耐啥實概嗄！耐自家也保重點個囗。昨日夜頭風末來得價大。半夜三更勿着衣裳起來，再要開出門去，阿冷嗄？耐自家勿曉得保重，我就日日來裏看牢仔耐，也無麼用（口宛）！”
漱芳笑道：“耐肯日日來裏看牢仔我，耐也只好說說罷哉。我自家曉得命裏無福氣。我也勿想啥別樣，再要耐陪我三年。耐依仔我，到仔三年我就死末，我也蠻快活哉。倘忙我匆死，耐就再去討別人，我也匆來管耐哉。就不過三年，耐也匆肯依我，倒說道，‘日日來裏看牢仔我’！”玉甫道：“耐說說末就說出勿好來哉。
耐單有一個無女每離勿開。再三四年，等耐兄弟做仔親，讓俚哚去當家，耐搭無女每到我屋裏向去，故末真個日日看牢仔耐，耐末也稱心哉。”
漱芳又笑道：“耐是生來一徑蠻稱心，我陸裏有故號福氣！我不過來裏想：耐今年廿四歲；再歐三年，也不過廿七歲。耐廿七歲討一個轉去，成雙到老，要幾十年保。該個三年裏向，就算我冤屈仔耐也該應（口宛）。”玉甫也笑道：“耐瞎說個多花啥，討轉去成雙到老末就是耐（口宛）。”
漱芳乃不言語了。只見李浣芳蓬着頭，從後門進房，一面將手揉眼睛，一面見玉甫，說道：“姐夫，耐昨日啥匆來嗄？”玉甫笑嘻嘻拉了浣芳的手過來，斜靠着梳妝檯而立。漱芳見浣芳只穿一件銀紅湖縐捆身子，遂說道：“耐啥衣裳也勿着嗄？”浣芳道：“今朝天熱呀。”漱芳道：“陸裏熱嗄，快點去着仔囗！”浣芳道：“我（要勿）着，熱煞來裏！”
正說着，阿招已提了一件玫瑰紫夾襖來，向浣芳道：“無女每也來供說哉，快點着罷。”浣芳還不肯穿。玉甫一手接那夾襖替浣芳披在身上，道：“耐故歇就着仔，晚歇熱末再脫末哉，阿好？”浣芳不得已依了。阿招又去舀進臉水請浣芳捕面、梳頭，漱芳也要起身。玉甫忙道：“耐再困歇囗，天早來裏。”漱芳說：“我（要勿）困哉。”玉甫只得去扶起來，坐在牀上，復勸道：“耐就牀浪坐歇，倪說說閒話倒無啥。”漱芳仍說：“（要勿）！”
及至漱芳下牀，終覺得鼻塞聲重，頭眩腳軟，惟咳嗽倒好些。漱芳一路扶着桌椅，步至榻牀坐下，玉甫跟過來放下一面窗簾。大阿金送上燕窩湯，漱芳只呷兩口，即叫浣芳喫了。浣芳新妝既罷，漱芳方去捕起面來。阿招道：“頭還蠻好來裏，（要勿）梳哉。”漱芳也覺坐不住，就點點頭。大阿金用棍子蘸刨花水略刷幾刷，漱芳又自去刷出兩邊鬢腳，已是喫力極了，遂去歪在榻牀上喘氣。
